S. Pedro, barriu La Isla, Pola Siero

La Sociedad de festejos del polesu barriu de La Isla organiza tolos años, dentro del programa festivu del so patrón, una degustación gratuita de sidra; mercando el vasu pue bebese sidra asgaya, comer daqué pinchín y disfrutar de gaita, tambor y cancios improvisaos, esti añu toconos a Mª. y a mí poner los instrumentos, la lluvia vino sola. Ficiéronnos abondas semeyas, pero non me pasaron ninguna, así que si lo tenéis a bien...Pese a la lluvia, tocamos a gustu y pasámoslo perbién!. Subo una semeya de Aquilino y Montaña, antigua pareya de La Pola, que tien la particularidá de mostrar un gaiteru mancu del brazu izquierdu, lo cual non yera obstáculu algunu pa tocar en cualquier plaza.