Chigre "El Orbayu"

Unu de los sitios más afayaizos que podemos topar en Arenas de Cabrales ye, sin duda, el chigre El Orbayu, con su regente Amelia Carrera de Caso, Melín pa nosotros, siempre dispuesta a compartir conversación o consumición con cualquier cliente habitual y si se tercia echar unos cancios o bailes; allí nadie ye forasteru. Y, si el ambiente ye alegre y participativu en cualquier época del añu, la temporada estival se presta más todavía, especialmente nel mes d'agostu. Esti añu, coincidiendo con la celebración del mercáu tradicional del programa con motivu del certamen del quesu, el gaiteru Oscarín y yo amenizamos con gaita, tambor y canción asturiana; hubo cancios, bailes, risas y sidra asgaya.