Celebróse el pasáu xueves la romería "los mártires", nel pueblín d'Insiertu, (Mieres), con bastante menos romeros que en ediciones anteriores; la lluvia y el fríu desanimaron a muncha xente, (ente ellos al mío amigu Alberto Arias, col que toqué los tres años anteriores nel prau y na panera del mediu'l pueblu. Asina que subí ya de tarde, cola intención de ver a la Collá Propinde y Corquieu, prestoses actuaciones les dos. Más tarde entamó la verbena y resistimos hasta el final; ya casi finando llegó el gaiteru "Oscarín" y como non subió la gaita tuvimos que baxar pola mía a Mieres; aprovechando que andaba por allí Andresín, el tamboriteru local, echamos unes pieces hasta que cerró la carpa. Espero que pal próximu añu la climatoloxía seya más bondaosa y que tean secos los maizales.
¡ Por San Cosme y San Damián cuidao neña temprana...!
